Oda Ekonomike Gjermano-Kosovare shpall Konkurs:
Zyrtar/e për Komunikim dhe Dizajn Digjital (Social Media and Graphic Design Officer)
Orar i plotë: 40 orë në javë
Fillimi i punës: 01/09/2025
KUSH JEMI NE?
Oda Ekonomike Gjermano-Kosovare (OEGJK) është një organizatë e fokusuar te anëtarët e saj, e përkushtuar për të fuqizuar lidhjet ekonomike bilaterale ndërmjet Kosovës dhe Gjermanisë. E themeluar me iniciativën e Ambasadës Gjermane në Prishtinë, OEGJK aktualisht përfaqëson mbi 200 kompani anëtare që së bashku punësojnë më shumë se 40,000 punonjës.
OEGJK këshillon, përkrah dhe përfaqëson kompanitë gjermane në Kosovë që synojnë të investojnë, të zhvillohen ose të zgjerojnë aktivitetin e tyre. Po ashtu, ne mbështesim kompanitë kosovare që tregtojnë me Gjermaninë përmes një game të gjerë shërbimesh, duke u krijuar mundësi për rrjetëzim dhe zhvillimin e biznesit në të dyja vendet. Si zemra e komunitetit të biznesit gjermano-kosovar, organizata jonë luan një rol aktiv në përmirësimin e mjedisit afarist për kompanitë anëtare, duke siguruar një zë të respektuar për to.
Për të avancuar këtë mision, ne po kërkojmë një profesionist kreativ dhe të motivuar që t’i bashkohet ekipit tonë si Zyrtar/e për Komunikim dhe Dizajn Digjital. Kjo pozitë ofron një mundësi unike për zhvillim profesional dhe për të kontribuar drejtpërdrejt në fuqizimin e komunitetit të biznesit gjermano-kosovar.
Përgjegjësitë e punës
Në këtë rol, përgjegjësitë tuaja kryesore do të përfshijnë:
- Menaxhimin e rrjeteve sociale (Facebook, LinkedIn, Instagram) të OEGJK-së dhe K-GenU, duke krijuar, përgatitur dhe publikuar përmbajtje në gjuhën shqipe, anglisht dhe/ose gjermanisht.
- Zhvillimin e përmbajtjes dhe rubrikave promocionale, duke publikuar rregullisht aktivitetet e OEGJK-së dhe të anëtarëve tanë, si dhe duke krijuar audienca të synuara për të rritur angazhimin.
- Krijimin dhe dizajnimin e materialeve vizuale – si postime digjitale, shabllone fushatash, buletine javore, certifikata, broshura, banera, etj. – duke përdorur mjete si Canva, Adobe Illustrator, etj.
- Redaktimin dhe korrektimin e përmbajtjeve të brendshme dhe komunikatave për shtyp në dy gjuhë (shqip dhe anglisht).
- Koordinimin me kompani të jashtme për shtypjen e materialeve, përgatitjen e kartëvizitave dhe monitorimin e stokut promovues.
- Përditësimin dhe mirëmbajtjen e përmbajtjes digjitale në faqen zyrtare të internetit, si dhe të elementeve vizuale shoqëruese.
- Kontributin në organizimin dhe promovimin vizual të ngjarjeve kryesore të OEGJK-së (p.sh. Forumi Ekonomik).
Kualifikimet e kërkuara
Kandidati/ja ideal/e duhet të plotësojë kërkesat e mëposhtme:
- Së paku 2 vite përvojë pune në menaxhimin dhe krijimin e përmbajtjes për rrjetet sociale (Facebook, LinkedIn, Instagram).
- Vëmendje ndaj detajeve dhe aftësi për të tërhequr publikun me shkrime kreative e të angazhuara.
- Përvojë profesionale me programet relevante të dizajnit grafik dhe krijimit të përmbajtjes, si Adobe Photoshop, Adobe Illustrator, Canva, etj.
- Diplomë universitare në fushën e marketingut, dizajnit grafik, gazetarisë ose komunikimit.
- Vetëiniciativë dhe përgjegjshmëri, si dhe aftësi të shkëlqyera për punë në ekip.
- Aftësi të shkëlqyera komunikimi në shqip dhe anglisht (njohja e gjuhës gjermane përbën përparësi).
Ne ju ofrojmë:
- Ambient pune atraktiv dhe modern, në zemër të Prishtinës.
- Sigurim shëndetësor për ju dhe familjen tuaj.
- Mundësi për zhvillim personal dhe profesional.
Vlerat organizative
- Ne vlerësojmë lojalitetin, kolegjialitetin dhe punën në ekip.
- Ne jemi një organizatë agile me kulturë të hapur ndaj feedback-ut. Rezultatet e punës i masim sipas vlerave tona: integritet, mirësjellje, përgjegjësi dhe sinqeritet.
- Ne jemi organizatë dinamike që i përshtatet kërkesave dhe nevojave të anëtarëve tanë.
- Tek ne, çdo punonjës gëzon pavarësi në punë.
- Ne mirëpresim idetë e reja dhe i zhvillojmë ato më tej.
- Ekipet tona janë ndërdisiplinore, dhe rrjetëzimi është shumë i rëndësishëm për ne.
Instruksionet për aplikim
Nëse jeni të interesuar për këtë mundësi, ju lutemi të dërgoni një portofol të punimeve tuaja bashkë me CV-në, përmes butonit “Apliko Këtu”, deri më 08/08/2025.
Aplikacionet pranohen vetëm në formë elektronike. Ju lutemi të mos e kontaktoni OEGJK-në për informacione ose pyetje paraprake. Vetëm kandidatët e përzgjedhur për intervistë do të kontaktohen.
⏱️ Dëshiron të aplikosh më shpejtë?
